കോഴിക്കോട്: താമരശേരി താലൂക്ക് ആശുപത്രിയില് ഡ്യൂട്ടിയില് ഉണ്ടായിരുന്ന ഡോക്ടറെ വെട്ടി പരിക്കേല്പ്പിച്ച സംഭവത്തിന്റെ പശ്ചാത്തലത്തില് സംസ്ഥാനത്തെ സര്ക്കാര് ആശുപത്രികളിലെ അരക്ഷിതാവസ്ഥയും സുരക്ഷാ വീഴ്ചയും പരിഹരിക്കണമെന്നാവശ്യപ്പെട്ട് കെജിഎംഒഎ ജീവന്രക്ഷാ സമരം ആരംഭിക്കുന്നു.
ഇതിന്റെ ആദ്യഘട്ടം എന്ന നിലയില് ഇന്നുമുതല് സംസ്ഥാന വ്യാപകമായി രോഗീപരിചരണം ഒഴികെയുള്ള മറ്റ് ഡ്യൂട്ടികളില്നിന്ന് വിട്ടുനിന്നുകൊണ്ട് നിസഹകരണ സമരം ആരംഭിക്കും.
തുടര്ച്ചയായി നല്കപ്പെട്ട ഉറപ്പുകള് ലംഘിച്ചുകൊണ്ട് ആരോഗ്യ പ്രവര്ത്തകര്ക്ക് സുരക്ഷിതമായ തൊഴിലിടങ്ങള് ഉറപ്പാക്കുന്നതില് സര്ക്കാര് സംവിധാനങ്ങള് പരാജയപ്പെടുന്നത് തികച്ചും നിരാശാജനകമാണെന്ന് കെജിഎംഒഎ പ്രസിഡന്റ് ഡോ. പി.കെ. സുനിലും ജനറല് സെക്രട്ടറി ഡോ. ജോബിന് ജി. ജോസഫും വാര്ത്താസമ്മേളനത്തില് അറിയിച്ചു.
E-paper LOGIN
LOGIN
